Gure hizkuntzari garrantzia emango dion komunitate bat eratzen ari gara, euskara gure etxeetan eta gure seme-alaben bihotzetan nahi baitugu, euskara bere izatea.
Era berean gertu nahi zaituztegu, hor zaudetela sentitu, egiten dugunak euskaraz bizi nahi duen komunitate horrentzat erabilgarria dela ikusi nahi dugu.
Gurekin urtebetez egotea da gure proposamena, eta gure eskaintza gustatzen bazaizue, noski, nahi adina urte jarrai dezakezue konpromiso hori babesten.
UTZI HARPIDETZA NAHI DUZUNEAN
HARPIDETU ZAITEZ
UTZI HARPIDETZA NAHI DUZUNEAN
HARPIDETU ZAITEZ
Egin zaitez eutsienekantak.eus webguneko bazkide eta lortu ezazu erabat DOAN! ASTONAUTAREN MASKARA oparituko dizugu.
%50 dendan
%50eko beherapena webguneko produktu guztietan.
Urtebetetzea zoriontzeko bideoa
Zure urtebetetze egunean Ene Kantakeko pertsonaien zorion agur bat jasoko duzu.
Liburua doan
Urtero Ene Kantakeko liburu berria etxera bidaliko dizugu.
Sarreren zozketa
Bazkideentzako bakarrik izango diren sarreren zozketak
Edukien aurrerapena
Ene Kantakeko eduki berri guztiak aldez aurretik jasoko dituzu.
EDUKI BERRIAK, GURE AURTENGO UZTA
Amagoia Dragoia proiektuak Erdi Aroan garatzen diren hiru zati ditu: liburu berri bat, 5 abesti berri bideoklipekin, eta ikuskizuna.
Abentura berri honetan, txikien artean euskararen erabilera sustatzen jarraitu nahi dugu, eta bereziki nabarmendu nahi dugu Erdi Aroan emakumeak izan zuen zeregina. Gainera, beti bezala, bizitzan garrantzi handia duten hainbat balio lantzeko aprobetxatzen dugu (kooperatibismoa, errespetua, berdintasuna, adiskidetasuna, laguntza, ahalduntzea)…
– Amagoia dragoiaren ezkatak liburu berria. Nerea Urbizuk idatzia eta Mikel Santos “Belatzek” ilustratua.
– 5 abesti berri, bideoklipekin. Bertan Antsoaingo Ezkaba eskolako ikasleek parte hartu dute.
– Ikuskizun berria: Amagoia Dragoia izenekoa eta azaroan estreinatuko duguna.
Horrez gain, bazkide guztiek gurekin jarraitzeagatik, eduki berriez gain, DOAN Astonautaren maskara bat jasoko duzue.
Haurrei zuzendutako euskarazko liburu ilustratu hau Nafarroako Amaiur herrian dago girotua. Nerea Urbizuk idatzia eta Mikel Santos “Belatzek” ilustratua.
Ez da egia izango! Gaur ere lapurreta izan da ERDI AROKO merkatuan! Txanpon handienez gain, txistorrak ere eraman dituzte!! Herritarren arteko begirada zorrotzak areagotuz doaz: nor izan da?
Lanean hasi dira Ene Kantakeko gure lagunak amaiurtarrak laguntzeko asmoarekin.
Astonautak burruntzali magikoarekin errekako ura edan behar zuenean… ezkata urdin distiratsu handi batzuk ikusi ditu, isats eternoa, mizto luuuuze bat eta, o ez, O, EZ! Begi moreak? Dr-, dr-, dragoia? DRAGOIAAAAAA!
Ongi etorri Erdi Arora, irakurle hori…
Zure laguntzarekin finantzaketa lortzen dugu, gure haurrentzako euskarazko abestiak, bideoklipak eta beste hainbat eduki egiten jarraitu ahal izateko. Horrela, urtero eduki berria sortuko dugu, eta inork baino lehenago jasoko zenukete etxean.
Duela gutxi arte DVDak saltzen genituen eta honela eduki guztiei dagozkien produkzio gastuak ordaintzen genituen. Baina jakina denez, euskarri fisikoak (DVDa kasu) zaharkituak geratu dira. Plataforma digitalek ordaintzen dutenarekin ezin dira inolaz ere gastu hauek ordaindu.
Era berean, esan gabe doa, sekulako ilusioa egiten digula zuen etxeetan, zuen belarrietan gaudela jakiteak, hor zaudetela jakiteak ematen digun lasaitasunaz gain.
Lagundu abesti eta bideoklip berriak sortzen jarraitzen. Eutsi Ene Kantak.
Zure babes ekonomikoa ezinbestekoa da Ene Kantak-en proiektuarekin jarraitzeko.
Edozein zalantza izanez gero idatziguzu: kaixo@enekantak.org
Nahi duzun hilabetean egin dezakezu.
Ordaiketa 2026ko azaroaren 9a baino lehenago egin baduzu, liburua eta abesti berriak bukatu bitartean, bazkideen txokorako sarbidea emango dizugu, prozesu guztiaren informazioa zehatz mehatz ikus dezazun.
Egin duzun aukeraren erabera, harpidetzaren balioa urtean behin ordaintzen da. 20 euro ala 35 euro urtean aukera dezakezu.
Harpidetza uztea erabakitzen baduzu, ez dizugu datorren urteko kuota kobratuko eta ez duzu jada eskaririk jasoko.
Harpidetza aldatzea erabakitzen baduzu, mezu elektroniko bat bidali beharko duzu kaixo@enekantak.org helbidera, guk aldaketa egin ahal izateko.
Liburua bidaltzeko data aurreikuspena urriaren 8a da.
Ordainketa azaroaren 9aren ondoren eginez gero, liburua 24 ordutan jasoko duzu.
Liburua automatikoki bidaliko genizuke, 24 ordutan zure etxera iris dadin.
Bazkide izateagatik gure web-eko dendan %50eko deskontua izango duzu. Deskontu honetaz balia zaitezke behar edo nahi dituzun produktuak jasotzeko.
Harpidetza edozein momentutan utzi dezakezu eta ez dizugu datorren urteko kuota kobratuko.
Bidali zure galderak honako posta elektronikora: kaixo@enekantak.org
Ene Kantak Unibertsoak 2011. urtetik gaur bitarte daramatza kantuak eta bideoklipak sortzen, eta ETBrako programaren 5. denboraldia bukatu berri du. Bideoklip hauek 114 milioi ikuste baino gehiago izan dituzte, nagusiki Euskal Herrian, asko Espainian eta bestela Indonesian, AEBtan, Brasilen, Mexikon, Argentinan edota Kolonbian.
Era honetan, Ene Kantak eta bere pertsonaiak etxe gehienetan eta ikastetxeetan daude, euskara ikasteko tresna bezala eta hainbat gai lantzeko: berdintasuna, ekologia, birziklapena, zenbakiak, koloreak, adiskidetasuna, natura, gaixotasun arraroak, elikadura (burujabetza), bulling-a, geure kultura, asteko egunak…
UTZI HARPIDETZA NAHI DUZUNEAN
HARPIDETU ZAITEZ
UTZI HARPIDETZA NAHI DUZUNEAN
HARPIDETU ZAITEZ
